XALQ CHOLG'ULARI BO'LIMI

• TURSUNOV NUSUR YUSUPOVICH (BOSH O'QITUVCHI)

Mehnat staji 43 yil.

Ko‘p yillik pedagogik faoliyati davomida bir necha marotaba Madaniyat vazirligi hamda Madaniyat boshqarmasining faxriy yorliqlari bilan taqdirlangan.

Ta’lim muassasasida o‘zining tashabbuskorligi, mehnatsevarligi, ilg‘or ish tajribalarini ta’lim muassasasiga tadbiq etish, ta’lim sifatini oshirish, o‘quvchilarga yangi pedagogik texnologiyalar asosida chuqur bilim berish, yosh avlodni tarbiyalash borasida ko‘pgina namunali ishlarni amalga oshirgan, samarali mehnat qilib kelayotgan ilg‘or pedagoglardan.

N.Tursunov mutaxassislik fani bilan bir qatorda 1998-1999-yillarda Qarshi Davlat san’at bilim yurti o‘quv ishlari bo‘yicha direktor o‘rinbosari, 1999-2003-yillarda Qarshi Davlat san’at bilim yurti uslubchisi, 2003-2004-yillarda Qarshi san’at kollej   uslubchisi, 2004-2007-yillarda Xalq cholg‘u asboblar va an’anaviy ijrochilik kafedra mudiri vazifalarida faoliyat yuritgan.

N.Tursunov o‘z faoliyati davomida barkamol avlodni tarbiyalashga oid fikrlarni aks ettiruvchi tadbirlarning faol ishtirokchisi va tashkilotchilaridan biridir. O‘z o‘quvchilarini o‘qitish bilan birga hayotda o‘z yo‘llarini topishda, tanlagan kasbiga mehr va muhabbat uyg‘otishda ko‘p maslahatlar berib, doimiy ravishda ko‘maklashib kelmoqda.

O‘quvchilarning bilimini oshirishda yuqori ko‘rsatkichlarga erishmoqda.  Bir necha nafar o‘quvchilari respublika hamda xalqaro tanlovlarda munosib o‘rinlarni egallab kelmoqda.

    Doimiy ravishda ta’lim muassasasi o‘quvchilari o‘rtasida, respublika tanlovlarining viloyat saralash bosqichlarida xalq cholg‘ulari yo‘nalishi bo‘yicha hakamlik vazifalarini ham bajarib kelmoqda.

N.Tursunovning Respublika va viloyat miqyosidagi  gazeta va jurnallarida ilmiy-uslubiy maqolalari chop etilgan. 

Tursunov Nusur Yusupovich 2022 yilda "O'zbekiston Konstitutsiyasining 30 yilligi" esdalik nishoni bilan taqdirlangan.